Hum se Muhammad Bin Mahboob ne bayan kiya, kaha hum se Abdul Wahid Bin Ziyad ne bayan kiya, un se Aamash ne bayan kiya, unhon ne kaha ke hum ne Ibrahim Nakhi ke samne bai-salam mein girwi rakhne ka zikar kiya to unhon ne kaha hum se Aswad ne bayan kiya, aur un se Aisha (Radi Allahu Anha) ne bayan kiya ke Nabi Kareem (Sallallahu Alaihi Wasallam) ne ek Yahoodi se ek muqarrara muddat ke liye ghalla khareeda aur us ke paas apni lohe ki zarah girwi rakh di thi
.

Hum se Mualla Bin Asad ne bayan kiya, unhon ne kaha ke hum se Abdul Wahid ne bayan kiya, kaha ke hum se Amash ne bayan kiya ke Ibrahim Nakh'i ki majlis mein hum ne udhaar lein dein mein (saman) girvi rakhne ka zikr kiya to unhon ne kaha ke mujh se Aswad ne Aisha (Radi Allahu Anha) se bayan kiya ke Nabi Kareem (Sallallahu Alaihi Wasallam) ne ek yahudi se kuch ghalla ek muddat muqarrar kar ke udhaar khareeda aur apni lohe ki ek zarah is ke paas girvi rakkhi
.

Hum se Yusuf Bin Isa ne bayan kiya, kaha ke hum se Abu Muawiya ne bayan kiya, kaha ke hum se Amash ne bayan kiya, un se Ibrahim Nakh'i ne, un se Aswad Bin Yazid ne aur un se Aisha (Radi Allahu Anha) ne ke Rasul Allah (Sallallahu Alaihi Wasallam) ne ek yahudi se kuch ghalla udhaar khareeda. Aur apni zarah is ke paas girvi rakhwayi
.

Hum se Amr Bin Hafs Bin Ghiyas ne bayan kiya, kaha ke mujh se mere baap ne bayan kiya, un se Amash ne bayan kiya, kaha ke hum ne Ibrahim ke samne qarz mein girvi rakhne ka zikr kiya to unhon ne kaha ke is mein koi haraj nahi hai. Phir hum se Aswad ke wasita se bayan kiya ke un se Aisha (Radi Allahu Anha) ne bayan kiya ke Nabi Kareem (Sallallahu Alaihi Wasallam) ne muqarrara muddat ke qarz par ek yahudi se ghalla khareeda aur apni zarah is ke yahan girvi rakkhi thi
.

Hum se Muhammad Bin Salam ne bayan kiya, kaha ke hum se Yaali Bin Ubaidullah ne bayan kiya, kaha hum se Aamash ne bayan kiya, un se Ibrahim ne, un se Aswad ne bayan kiya un se Umm-ul-Momineen Aisha Siddiqa (Radi Allahu Anha) ne bayan kiya ke Rasul Allah (Sallallahu Alaihi Wasallam) ne ek Yahoodi se udhaar ghalla khareeda aur apni ek lohe ki zarah us ke paas girwi rakkhi
.

Hum se Mualla Bin Asad ne bayan kiya, un se Abdul Wahid ne bayan kiya, un se Aamash ne bayan kiya, unhon ne bayan kiya ke Ibrahim ki khidmat mein hum ne bai-salam mein rehan ka zikar kiya, to unhon ne bayan kiya ke mujh se Aswad ne bayan kiya aur un se Aisha (Radi Allahu Anhuma) ne bayan kiya ke Nabi Kareem (Sallallahu Alaihi Wasallam) ne ek Yahoodi se ghalla ek khas muddat (ke qarz par) khareeda, aur apni lohe ki zarah us ke paas rehan rakh di
.

Hum se Muslim Bin Ibrahim ne bayan kiya, kaha hum se Hisham Dastuwai ne bayan kiya, kaha hum se Qatada ne bayan kiya, aur un se Anas Bin Malik (Radi Allahu Anhu) ne ke Nabi Kareem (Sallallahu Alaihi Wasallam) ne apni zara jau ke badle girwi rakhi thi. Ek din mein khud aap ke paas jau ki roti aur baasi charbi le kar hazir hua tha. Mein ne khud Aap (Sallallahu Alaihi Wasallam) se suna tha. Aap (Sallallahu Alaihi Wasallam) farma rahe thay ke Aal-e-Muhammad par koi subah aur koi shaam aisi nahi aayi ke ek saa se zyada kuch aur maujood raha ho, halankay aap ke nau ghar thay
.

Hum se Musaddad ne bayan kiya, unhon ne kaha hum se Abdul Wahid Bin Ziyad ne bayan kiya, unhon ne kaha ke hum se Aamash ne bayan kiya ke hum ne Ibrahim Nakh'i (Rahimahullah) ke yahan qarz mein rehan aur zaamin ka zikar kiya to unhon ne kaha ke hum se Aswad ne bayan kiya aur un se Aisha (Radi Allahu Anha) ne bayan kiya ke Nabi Kareem (Sallallahu Alaihi Wasallam) ne ek Yahudi se ghalla khareeda ek muqarrara muddat ke qarz par aur apni zara us ke haan girwi rakhi thi
.

Hum se Qutaiba Bin Saeed ne bayan kiya, kaha hum se Jarir ne bayan kiya, un se Aamash ne, un se Ibrahim ne, un se Aswad ne aur un se Aisha (Radi Allahu Anha) ne bayan kiya ke Rasul Allah (Sallallahu Alaihi Wasallam) ne kuch muddat thehra kar ek Yahudi se ghalla khareeda aur apni zara us ke paas girwi rakhi
.

Hum se Muhammad Bin Kaseer ne bayan kiya, unhon ne kaha hum ko Sufyan Sauri ne khabar di, unhein Aamash ne, unhein Ibrahim ne, unhein Aswad ne aur un se Umm-ul-Momineen Aisha (Radi Allahu Anha) ne bayan kiya ke jab Rasul Allah (Sallallahu Alaihi Wasallam) ki wafat hui to aap (Sallallahu Alaihi Wasallam) ki zarah ek yahudi ke paas tees saa jo ke badle mein rahan rakhi hui thi. Aur Ya'la ne bayan kiya ke hum se Aamash ne bayan kiya ke lohe ki zarah (thi) aur Mualla ne bayan kiya, un se Abdul Wahid ne bayan kiya, un se Aamash ne bayan kiya ke aap (Sallallahu Alaihi Wasallam) ne lohe ki ek zarah rahan rakhi thi
.

Hum se Qubaysah bin Utbah ne byaan kiya , kaha hum se Sufyan Sawri ne byaan kiya , un se Aamash ne , un se Ibrahim Nakhai ne , un se Aswad bin Yazid ne aur un se Aisha razi Allahu anha ne byaan kiya ke jab Nabi Karim salla Allahu alaihi wasallam ki wafat hui to Aap ki zirah ek Yahudi ke yahan tees sa jau ke badle mein girwi rakkhi hui thi .