Hum se Abdullah Bin Abi Shaiba ne bayan kiya, kaha ke hum se Abu Bakr Bin Ayash ne bayan kiya, un se Abu Husain Usman Bin Aasim ne, un se Abu Salih Samman ne aur un se Abu Hurairah (Radi Allahu Anhu) ne bayan kiya ke Rasul Allah (Sallallahu Alaihi Wasallam) har saal Ramzan mein das din ka aitikaf kiya karte thay. Lekin jis saal Aap (Sallallahu Alaihi Wasallam) ka intiqal hua, is saal Aap (Sallallahu Alaihi Wasallam) ne bees din ka aitikaf kiya tha
.

Hum se Ismail Bin Abdullah ne bayan kiya, unhon ne kaha ke mujh se Ibn Wahb ne bayan kiya, unhon ne kaha ke mujh se Yunus ne, unhein Nafi ne khabar di, aur un se Abdullah Bin Umar (Radi Allahu Anhuma) ne kaha ke Rasul Allah (Sallallahu Alaihi Wasallam) Ramzan ke aakhri asharay mein aitikaf karte thay
.

Hum se Abdullah Bin Yusuf Taneesi ne bayan kiya, unhon ne kaha ke hum se Liath Bin Saad ne bayan kiya, un se Aqeel ne, un se Ibn Shihab ne, un se Urwah Bin Zubair ne aur un se Nabi Kareem (Sallallahu Alaihi Wasallam) ki zaujah-e-mutahira Aisha (Radi Allahu Anha) ne ke Nabi Kareem (Sallallahu Alaihi Wasallam) apni wafat tak barabar Ramzan ke aakhri asharay mein aitikaf karte rahe aur Aap (Sallallahu Alaihi Wasallam) ke baad Aap (Sallallahu Alaihi Wasallam) ki azwaj-e-mutahharat aitikaf karti rahein
.

Hum se Khalid bin Yazid ne byaan kiya , kaha hum se Abu Bakr bin Ayash ne byaan kiya , un se Abu Haseen ne , un se Abu Salih ne aur un se Abu Hurairah razi Allahu anhu ne byaan kiya ke Jibraeel alaihissalam Rasool Allah salla Allahu alaihi wasallam ke saath har saal ek martaba Quran Majeed ka daura kiya karte thay lekin jis saal Nabi Karim salla Allahu alaihi wasallam ki wafat hui is mein unhon ne Nabi Karim salla Allahu alaihi wasallam ke saath do martaba daura kiya . Nabi Karim salla Allahu alaihi wasallam har saal das din ka itikaaf kiya karte thay lekin jis saal Aap ki wafat hui is saal Aap ne bees din ka itikaaf kiya .