(Doosri sanad Imam Bukhari Rahimahullah ne kaha ke) aur hum se Abdullah Bin Yusuf ne bayan kiya, unhein Imam Malik ne khabar di, unhein Hisham Bin Urwah ne, unhein un ke walid ne aur unhein Nabi Kareem (Sallallahu Alaihi Wasallam) ki zaujah-e-mutahira Aisha (Radi Allahu Anha) ne ke Hamza Bin Amr Aslami (Radi Allahu Anhu) ne Nabi Kareem (Sallallahu Alaihi Wasallam) se arz ki mein safar mein roza rakhoon ? wo roze bakasrat rakkha karte thay. Nabi Kareem (Sallallahu Alaihi Wasallam) ne farmaya ke agar jee chahe to roza rakh aur jee chahe iftar kar
.

Hum se Musaddad ne bayan kiya, kaha hum se Yahya Bin Qattan ne bayan kiya, un se Hisham Bin Urwah ne bayan kiya ke mujh se mere baap Urwah ne bayan kiya, un se Aisha (Radi Allahu Anha) ne ke Hamza Bin Amr Aslami (Radi Allahu Anhu) ne arz ki ya Rasul Allah! mein safar mein lagatar roza rakhta hoon
.

Hum se Abdullah Bin Muslimah ne bayan kiya, kaha hum se Imam Malik ne, un se Humaid Taweel ne aur un se Anas Bin Malik (Radi Allahu Anhu) ne ke hum Nabi Kareem (Sallallahu Alaihi Wasallam) ke sath (Ramzan mein) safar kiya karte thay. (Safar mein bahut se roze se hote aur bahut se be-roza hote) lekin roze dar be-roza dar par aur be-roza dar roze dar par kisi qism ki ayb joi nahi kiya karte thay
.

Aur Abdur Razzaq ne kaha hum ko Mamar ne khabar di ‘ unhein Ayub ne ‘ unhein Ikrimah ne aur unhein Ibn Abbas razi Allahu anhuma ne Nabi Karim salla Allahu alaihi wasallam se naqal kiya . Aur Hammad ne Ayub se riwayat kiya ‘ unhon ne Ikrimah se ‘ unhon ne Abdullah bin Abbas razi Allahu anhuma se aur unhon ne Nabi Karim salla Allahu alaihi wasallam se naqal kiya .

Hum se Abdullah bin Muhammad ne byaan kiya , kaha hum se Ibn Uyaynah ne byaan kiya , un se Zuhri ne , un se Urwah ne aur un se Aisha razi Allahu anha ne ke Ashura ka roza Ramzan ke rozon ke hukm se pehle rakkha jata tha . Phir jab Ramzan ke rozon ka hukm nazil hua to Aap salla Allahu alaihi wasallam ne farmaya ke jis ka jee chahe Ashura ka roza rakhe aur jis ka jee chahe na rakhe .