Aur Hanzalah ne Ta'oos se do zarhein naqal kiya hai aur Layth bin Saad ne kaha mujh se Jafar bin Rabiah ne byaan kiya ‘ unhon ne Abdul Rahman bin Hurmuz se suna kaha ke maine Abu Hurairah razi Allahu anhu se suna unhon ne Nabi Karim salla Allahu alaihi wasallam se phir yahi hadees byaan ki is mein do zarhein hain .

Hum se Musa Bin Ismail ne bayan kiya, kaha hum se Wuhaib ne bayan kiya, kaha hum se Abdullah Bin Taous ne bayan kiya, un se un ke baap ne aur un se Abu Hurairah (Radi Allahu Anhu) ne ke Nabi Kareem (Sallallahu Alaihi Wasallam) ne farmaya "Bakheel (jo zakat nahi deta) aur zakat dene wale (sakhi) ki misal do aadmiyon jaisi hai, donon lohe ke kurte (zarah) pehne hue hain, donon ke hath gardan se bandhe hue hain zakat dene wala (sakhi) jab bhi zakat ka irada karta hai to us ka kurta itna kushada ho jata hai ke zameen par chalte mein ghasitta jata hai lekin jab bakheel sadaqah ka irada karta hai to us ki zarah ka ek ek halqa us ke badan par tang ho jata hai aur is tarah sukur jata hai ke us ke hath us ki gardan se jurr jate hain." Abu Hurairah (Radi Allahu Anhu) ne Nabi Kareem (Sallallahu Alaihi Wasallam) ko ye farmate suna "Phir bakheel ise dheela karna chahta hai lekin wo dheela nahi hota."
.

Hum se Abdullah bin Muhammad ne bayan kiya , unhon ne kaha hum se Abu Aamir ne bayan kiya , kaha hum se Ibrahim bin Nafi ne bayan kiya , in se Imam Hasan Basri ne , in se Taoos ne aur in se Abu Hurairah razi Allahu anhu ne bayan kiya ke Rasool Allah salla Allahu alaihi wasallam ne bakheel aur sadqa dene wale ki misal bayan kiya ke do aadmiyon jaisi hai jo lohe ke jubbe hath , seena aur halaq tak pehne huay hain . Sadqa dene wala jab bhi sadqa karta hai to is ke jubbe mein kushadgi ho jati hai aur woh is ki ungliyon tak barh jata hai aur qadam ke nishanat ko dhak leta hai aur bakheel jab bhi kabhi sadqa ka irada karta hai to is ka jubba usay aur chimat jata hai aur har halqa apni jagah par jam jata hai . Abu Hurairah razi Allahu anhu ne bayan kiya ke main ne dekha ke Nabi Karim salla Allahu alaihi wasallam is tarah apni mubarak ungliyon se apne gureban ki taraf isharah kar ke bata rahe thay ke tum dekho ge ke woh is mein wusat paida karna chahe ga lekin wusat paida nahi ho gi . Is ki mutabia-t Ibn Taoos ne apne walid se ki hai aur Abu al-Zinad ne Aaraj se ki ”do jubbon“ ke zikr ke saath aur Hanzalah ne bayan kiya ke main ne Taoos se suna , unhon ne Abu Hurairah razi Allahu anhu se suna , unhon ne kaha «jub-bataan» aur Jafar ne Aaraj ke wasta se «jub-bataan» ka lafz bayan kiya hai .

Hum se Musa bin Ismail ne byaan kiya ‘ kaha ke hum se Wuhaib ne byaan kiya ‘ kaha ke hum se Abdullah bin Ta'oos ne byaan kiya ‘ un se un ke baap Ta'oos ne aur un se Abu Hurairah razi Allahu anhu ne ke Nabi Karim salla Allahu alaihi wasallam ne farmaya ke bukhil aur sadqa dene wale ki misal aise do shakhson ki tarah hai jin ke badan par lohe ke do kurte hain . (Doosri sanad) Imam Bukhari rahmahu Allah ne kaha aur hum se Abul Yaman ne byaan kiya ‘ kaha ke humein Shuayb ne khabar di ‘ kaha ke humein Abul Zinad ne khabar di ke Abdullah bin Hurmuz Aaraj ne un se byaan kiya aur unhon ne Abu Hurairah razi Allahu anhu se suna aur Abu Hurairah razi Allahu anhu ne Nabi Karim salla Allahu alaihi wasallam ko yeh kehte suna ke bukhil aur kharch karne wale ki misal aise do shakhson ki si hai jin ke badan par lohe ke do kurte hon chhatiyon se hansli tak . Kharch karne ka aadi (sakhi) kharch karta hai to us ke tamam jism ko (woh kurta) chhupa leta hai ya (rawi ne yeh kaha ke) tamam jism par woh phail jata hai aur is ki ungliyan is mein chhup jati hai aur chalne mein is ke paaon ka nishan mitta jata hai . Lekin bukhil jab bhi kharch karne ka irada karta hai to is kurte ka har halqa apni jagah se chimat jata hai . Bukhil isay kushada karne ki koshish karta hai lekin woh kushada nahi ho paata . Abdullah bin Ta'oos ke saath is hadees ko Hasan bin Muslim ne bhi Ta'oos se riwayat kiya ‘ is mein do kurte hain .