Hum se Abu Asim Dahhak bin Makhlad ne byaan kiya ‘ un se Zakariyya bin Ishaq ne byaan kiya ‘ un se Yahya bin Abdullah bin Saifi ne byaan kiya , un se Abu Mabad ne aur un se Abdullah bin Abbas razi Allahu anhuma ne byaan kiya ke Nabi Karim salla Allahu alaihi wasallam ne jab Maaz razi Allahu anhu ko Yemen (ka haakim bana kar) bheja to farmaya ke tum unhein is kalma ki gawahi ki dawat dena ke Allah ke siwa koi mabood nahi aur yeh ke main Allah ka Rasool hoon . Agar woh log yeh baat maan lein to phir unhein batana ke Allah Ta'ala ne un par rozana paanch waqt ki namazein farz ki hain . Agar woh log yeh baat bhi maan lein to phir unhein batana ke Allah Ta'ala ne un ke maal par kuch sadqa farz kiya hai jo un ke maaldar logon se le kar unhein ke muhtajon mein lauta diya jaye ga .

Hum se Umayyah bin Bustam ne byaan kiya ‘ unhon ne kaha hum se Zaid bin Zuray ne byaan kiya ‘ unhon ne kaha ke hum se Rooh bin Qasim ne byaan kiya ‘ un se Ismail bin Umayyah ne ‘ un se Yahya bin Abdullah bin Saifi ne ‘ un se Abu Mabad ne aur un se Ibn Abbas razi Allahu anhuma ne ke jab Rasool Allah salla Allahu alaihi wasallam ne Maaz razi Allahu anhu ko Yemen bheja to un se farmaya ke dekho! Tum ek aisi qaum ke paas ja rahe ho jo Ahle Kitab (Isayi Yahudi) hain . Is liye sab se pehle unhein Allah ki ibadat ki dawat dena . Jab woh Allah Ta'ala ko pehchan lein (yani Islam qabool kar lein) to unhein batana ke Allah Ta'ala ne un ke liye din aur raat mein paanch namazein farz ki hain . Jab woh isay bhi ada karein to unhein batana ke Allah Ta'ala ne un par zakat farz qarar di hai jo in ke sarmayadaroon se li jaye gi (jo sahib-e-nisab honge) aur unhein ke faqiroon mein taqseem kar di jaye gi . Jab woh isay bhi maan lein to un se zakat wasool kar . Albatta un ki umda cheezein (zakat ke taur par lene se) parhez karna .

Hum se Muhammad bin Muqatil ne byaan kiya ‘ unhon ne kaha ke humein Abdullah ne khabar di ‘ unhon ne kaha ke humein Zakariyya ibn Ishaq ne khabar di ‘ unhein Yahya bin Abdullah bin Saifi ne ‘ unhein Ibn Abbas razi Allahu anhuma ke ghulam Abu Mabad ne aur un se Abdullah bin Abbas razi Allahu anhuma ne byaan kiya ke Rasool Allah salla Allahu alaihi wasallam ne Maaz razi Allahu anhu ko jab Yemen bheja ‘ to un se farmaya ke tum ek aisi qaum ke paas ja rahe ho jo Ahle Kitab hain . Is liye jab tum wahan puhanchon to pehle unhein dawat do ke woh is baat ki gawahi dein ke Allah ke siwa koi mabood nahi aur Muhammad (salla Allahu alaihi wasallam) Allah ke sacche Rasool hain . Woh is baat mein jab tumhari baat maan lein to unhein batao ke Allah Ta'ala ne un par rozana din raat mein paanch waqt ki namazein farz ki hain . Jab woh tumhari yeh baat bhi maan lein to unhein batao ke in ke liye Allah Ta'ala ne zakat dena zaroori qarar diya hai ‘ yeh in ke maaldaron se li jaye gi aur in ke ghareebon par kharch ki jaye gi . Phir jab woh is mein bhi tumhari baat maan lein to in ke acche maal lene se bacho aur mazloom ki aah se daro ke is ke aur Allah Ta'ala ke darmiyan koi rukawat nahi hoti .

Hum se Yahya Bin Musa ne bayan kiya, kaha hum se Waki ne bayan kiya, kaha hum se Zakariya Bin Ishaq Makki ne bayan kiya, un se Yahya Bin Abdullah Saifi ne, un se Ibn Abbas (Radi Allahu Anhuma) ke ghulam Abu Maabad ne, aur un se Ibn Abbas (Radi Allahu Anhuma) ne ke Nabi Kareem (Sallallahu Alaihi Wasallam) ne Muaz (Radi Allahu Anhu) ko jab (aamil bana kar) Yemen bheja, to Aap (Sallallahu Alaihi Wasallam) ne unhein hidayat farmayi ke mazloom ki bad-dua se darte rehna ke is (dua) ke aur Allah Ta'ala ke darmiyan koi parda nahi hota
.

Mujh se Habban bin Musa ne byaan kiya , kaha hum ko Abdullah bin Mubarak ne khabar di , unhein Zakariya bin Ishaq ne , unhein Yahya bin Abdullah bin Sayfi ne , unhein Ibn Abbas razi Allahu anhuma ke ghulam Abu Ma'bad Nafiz ne aur un se Ibn Abbas razi Allahu anhuma ne byaan kiya ke Rasool Allah salla Allahu alaihi wasallam ne Maaz bin Jabal razi Allahu anhu ko Yaman ka (hakim bana kar bhejte waqt unhein) hidayat farmayi thi ke tum ek aisi qaum ki taraf ja rahe ho jo Ahl e Kitab Yahudi aur Nasrani waghaira mein se hain . Is liye jab tum wahan pahuncho to pehle unhein is ki dawat do ke woh gawahi dein ke Allah ke siwa koi mabood nahi aur Muhammad salla Allahu alaihi wasallam Allah ke Rasool hain . Agar is mein woh tumhari baat maan lein to phir unhein batao ke Allah Ta'ala ne rozana un par panch waqt ki namazein farz ki hain , jab yeh bhi maan lein to unhein batao ke Allah Ta'ala ne un par zakat ko bhi farz kiya hai , jo un ke maldar logon se li jaye gi aur unhi ke ghareebon mein taqseem kar di jaye gi . Jab yeh bhi maan jayein to (phir zakat wasool karte waqt) un ka sab se umdah maal lene se parhez karna aur mazloom ki aah se har waqt darte rehna ke us ke aur Allah ke darmiyan koi rukawat nahi hoti hai . Abu Abdullah Imam Bukhari rahmahullah ne kaha ke Surah al-Ma'idah mein jo «tauwa'at» ka lafz aaya hai is ka wahi maani hai jo «ta'at» aur «ata'at» ka hai jaise kehte hain «tu'tu wa tu'tu wa ata'tu» . Sab ka maani ek hi hai .

Hum se Abu Aasim Nabeel ne bayan kiya, unhon ne kaha hum se Zakariya bin Ishaq ne bayan kiya, in se Yahya bin Abdullah bin Saifi ne bayan kiya, in se Abu Ma'bad ne bayan kiya aur in se Abdullah bin Abbas razi Allahu anhuma ne bayan kiya ke Nabi kareem salla Allahu alaihi wasallam ne Maaz bin Jabal razi Allahu anhuko Yaman bheija.

Aur mujh se Abdullah bin Muhammad bin Abi al-Aswad ne bayan kiya, unhon ne kaha hum se Fadl bin al-Alaa ne bayan kiya, in se Ismail bin Umay-yah ne bayan kiya, in se Yahya bin Abdullah bin Muhammad bin Saifi ne bayan kiya, unhon ne Ibn Abbas raziAllahu anhuma ke ghulam Abu Ma'bad se suna, unhon ne bayan kiya ke main ne Abdullah bin Abbas raziAllahu anhuma se suna, unhon ne kaha ke jab Rasool Allah salla Allahu alaihi wasallam ne Maaz bin Jabal razi Allahu anhuko Yaman bheija to in se farmaya ke tum Ahl e Kitab mein se ek qaum ke paas ja rahe ho. Is liye sab se pehle unhein is ki dawat dena ke woh Allah ko ek maanein (aur meri risalat ko maanein) jab woh usay samajh lein to phir unhein batana ke Allah ne ek din aur raat mein in par paanch namazein farz ki hain. Jab woh namaz parhne lagein to unhein batana ke Allahne in par in ke maalon mein zakat farz ki hai, jo in ke ameeron se li jaye gi aur in ke ghareebon ko lauta di jaye gi. Jab woh is ka bhi iqrar kar lein to in se zakat lena aur logon ke umdah maal lene se parhez karna.