Hum se Abul Waleed ne byaan kiya ‘ kaha hum se Shubah ne byaan kiya ‘ un se Adi bin Thabit ne byaan kiya ‘ unhon ne Bara bin Azib razi Allahu anhu se suna ‘ unhon ne farmaya ke jab Ibrahim (Nabi Karim salla Allahu alaihi wasallam ke sahibzade) ka intiqaal hua to Rasool Allah salla Allahu alaihi wasallam ne farmaya ke behisht mein un ke liye ek doodh pilane wali hai .

Hum se Hajjaj Bin Minhal ne bayan kiya, kaha hum se Shuba ne bayan kiya, kaha ke mujhe Adi Bin Sabit ne khabar di, kaha ke mein ne Bara Bin Azib (Radi Allahu Anhu) se suna, unhon ne bayan kiya ke jab Rasul Allah (Sallallahu Alaihi Wasallam) ke (sahibzade) Ibrahim (Radi Allahu Anhu) ka intiqal hua, to Aap (Sallallahu Alaihi Wasallam) ne farmaya ke Jannat mein ise ek doodh pilane wali anna ke hawala kar diya gaya hai (jo in ko doodh pilati hai)
.

Hum se Ishaq bin Nadr ne bayan kiya, unhon ne kaha hum se Abd-ul-Razzaq ne bayan kiya, unhon ne kaha hum ko Mamar ne khabar di, unhein Zuhri ne, unhein Saeed bin al-Musayyab ne aur unhein in ke walid Musayyab razi Allahu anhu ne ke in ke walid (Hazn bin Abi Wahb) Nabi Karim salla Allahu alaihi wasallam ki khidmat mein hazir huay to Nabi Karim salla Allahu alaihi wasallam ne daryaft farmaya ke tumhara naam kya hai? Unhon ne bataya ke «hazn» (bamaani sakhti). Nabi Karim salla Allahu alaihi wasallam ne farmaya ke tum «sahl» (bamaani narmi) ho, phir unhon ne kaha ke mera naam mere walid rakh gaye hain usay main nahi badoon ga. Ibn Musayyab rahmahullah bayan karte thay ke chunanche hamare khandan mein baad tak hamesha sakhti aur museebat ka daur raha.

Hum se Sulayman bin Harb ne bayan kiya, kaha hum ko Shubah ne khabar di, unhein Adi bin Sabit ne kaha ke main ne Bara razi Allahu anhu se suna, bayan kiya ke jab Aap ke farzand Ibrahim alaihissalam ka intiqal hua to Rasool Allahsalla Allahu alaihi wasallam ne farmaya ”is ke liye jannat mein ek doodh pilane wali daya muqarrar ho gayi hai.“