Hum se Adam bin Abi Iyas ne byaan kiya ‘ kaha ke hum se Shubah ne byaan kiya ‘ kaha ke hum se Abdul Aziz bin Suhayb ne byaan kiya ‘ kaha ke main ne Anas bin Malik razi Allahu anhu se suna ‘ Aap ne farmaya ke sahaba ka guzar ek janaza par hua ‘ log is ki tareef karne lage (ke kya achha aadmi tha) to Rasool Allah salla Allahu alaihi wasallam ne yeh sun kar farmaya ke wajib ho gayi . Phir doosre janaze ka guzar hua to log is ki burayi karne lage Nabi Karim salla Allahu alaihi wasallam ne phir farmaya ke wajib ho gayi . Is par Umar bin Khattab razi Allahu anhu ne poocha ke kya cheez wajib ho gayi ? Nabi Karim salla Allahu alaihi wasallam ne farmaya ke jis mayyat ki tum logon ne tareef ki hai is ke liye to Jannat wajib ho gayi aur jis ki tum ne burayi ki hai is ke liye Dozakh wajib ho gayi . Tum log zameen mein Allah Ta'ala ke gawah ho .

Hum se Suleman Bin Harb ne bayan kiya, kaha hum se Hammad Bin Zaid ne bayan kiya Sabit se aur un se Anas (Radi Allahu Anhu) ne kaha ke Rasul Allah (Sallallahu Alaihi Wasallam) ke paas se ek janaza guzra to logon ne is mayyat ki tareef ki, Aap (Sallallahu Alaihi Wasallam) ne farmaya "Wajib ho gayi" phir doosra janaza guzra to logon ne is ki burayi ki, ya is ke siwa aur alfaz (isi mafhoom ko ada karne ke liye) kahe (raavi ko shuba hai) Aap (Sallallahu Alaihi Wasallam) ne is par bhi farmaya "Wajib ho gayi" arz kiya gaya. Ya Rasul Allah! Aap ne is janaza ke mutalliq bhi farmaya ke wajib ho gayi aur pehle janaza par bhi yahi farmaya. Aap (Sallallahu Alaihi Wasallam) ne farmaya "Iman wali qoum ki gawahi (bargah-e-ilahi mein maqbool hai) ye log zameen par Allah ke gawah hain."
.