Hum se Muhammad bin Muqatil ne byaan kiya ‘ unhon ne kaha ke humein Abdullah bin Mubarak ne khabar di ‘ unhon ne kaha ke humein Layth bin Saad ne khabar di . Unhon ne kaha ke mujh se Ibn Shihab ne byaan kiya ‘ un se Abdur Rahman bin Ka'ab bin Malik ne aur un se Jabir bin Abdullah razi Allahu anhuma ne ke Rasool Allah salla Allahu alaihi wasallam Uhud ke do do shaheed mardon ko ek hi kapray mein kafan dete aur poochte ke in mein Quran kis ne zyada yaad kiya hai , phir jab kisi ek taraf ishaara kar diya jata to Lahad mein isi ko aage barhate aur farmate jaate ke main in par gawah hoon . Aap salla Allahu alaihi wasallam ne khoon samait unhein dafan karne ka hukm diya , na un ki namaaz-e-janaza parhi aur na unhein ghusl diya .

Hum se Abdullah bin Yusuf ne byaan kiya ‘ unhon ne kaha ke hum se Layth bin Saad ne byaan kiya ‘ unhon ne kaha ke mujh se Ibn Shihab ne byaan kiya ‘ un se Abdur Rahman bin Ka'ab bin Malik ne ‘ un se Jabir bin Abdullah razi Allahu anhuma ne ke Nabi Karim salla Allahu alaihi wasallam ne Uhud ke do do shaheedon ko mila kar ek hi kapray ka kafan diya . Aap salla Allahu alaihi wasallam daryaft farmate ke in mein Quran kise zyada yaad hai . Kisi ek ki taraf ishaara se bataya jata to Aap salla Allahu alaihi wasallam baghli qabr mein isi ko aage karte aur farmate ke main Qayamat mein in ke haq mein shahadat doon ga . Phir Aap salla Allahu alaihi wasallam ne sab ko un ke khoon samait dafan karne ka hukm diya . Na unhein ghusl diya gaya aur na un ki namaaz-e-janaza parhi gayi .