Hum se Saeed bin Sulayman ne byaan kiya ‘ unhon ne kaha ke hum se Layth ne byaan kiya ‘ unhon ne kaha ke hum se Ibn Shihab ne byaan kiya . Un se Abdur Rahman bin Ka'ab ne ke Jabir bin Abdullah razi Allahu anhuma ne unhein khabar di ke Nabi Karim salla Allahu alaihi wasallam ne Uhud ke do do shaheedon ko dafan karne mein ek saath jama farmaya tha .

Aur Abul Walid ne bayan kiya, un se Shuba ne, un se Ibn Al-Munkadir ne, unhon ne Jabir Radi Allahu Anhu se suna, unhon ne bayan kiya ke mere walid Abdullah Radi Allahu Anhu shaheed kar diye gaye to mein rone laga aur bar bar in ke chehre se kapra hatata. Sahaba mujhe rokte thay lekin Rasul Allah Sallallahu Alaihi Wasallam ne nahi roka. (Fatima Bint-e-Amr Radi Allahu Anha Abdullah ki bahen bhi rone lagin) Aap Sallallahu Alaihi Wasallam ne un se farmaya ke roo mat. (Aap Sallallahu Alaihi Wasallam ne «la tabkihi» farmaya, ya «ma tabkihi» . Ravi ko shaq ho gaya) Farishte barabar in ki lash par apne paron ka saye kiye hue thay. Yahan tak ke un ko utha liya gaya
.

Hum se Abdullah bin Yusuf ne byaan kiya ‘ unhon ne kaha ke hum se Layth bin Saad ne byaan kiya ‘ unhon ne kaha ke mujh se Ibn Shihab ne byaan kiya ‘ un se Abdur Rahman bin Ka'ab bin Malik ne ‘ un se Jabir bin Abdullah razi Allahu anhuma ne ke Nabi Karim salla Allahu alaihi wasallam ne Uhud ke do do shaheedon ko mila kar ek hi kapray ka kafan diya . Aap salla Allahu alaihi wasallam daryaft farmate ke in mein Quran kise zyada yaad hai . Kisi ek ki taraf ishaara se bataya jata to Aap salla Allahu alaihi wasallam baghli qabr mein isi ko aage karte aur farmate ke main Qayamat mein in ke haq mein shahadat doon ga . Phir Aap salla Allahu alaihi wasallam ne sab ko un ke khoon samait dafan karne ka hukm diya . Na unhein ghusl diya gaya aur na un ki namaaz-e-janaza parhi gayi .