Hum se Ismail ne bayan kiya, un se Malik ne, un se Ibn-e-Shihaab ne, un se Ubaidullah bin Abdullah bin ’Utbah ne, woh Abdullah bin Abbas Radhiallahu Anhuma se riwayat karte hain ke main (ek martaba) gadhi par sawaar ho kar chala, us zamaane mein, main buloogh ke qareeb tha. Rasoolullah Sallallahu Alaihi Wasallam Minaa mein Namaz padh rahe the aur Aap ke saamne deewaar (ki aad) na thi, to main baaz safon ke saamne se guzra aur gadhi ko chor diya. Woh charne lagi, jab ke main saf mein shaamil ho gaya (magar) kisi ne mujhe us baat par toka nahi.