Hum se Abd-ul-Aziz bin Abdullah Owaysi ne bayan kiya, kaha hum se Ibrahim bin Saad ne bayan kiya, in se Ibn Shihab ne, in se Ata bin Yazid Laysi ne aur in se Abu Hurairah razi Allahu anhune bayan kiya ke logon ne poochha: ya Rasool Allah! kiya hum Qayamat ke din apne Rabb ko dekhein ge? Nabi Karim salla Allahu alaihi wasallam ne poochha, kiya choudhvein raat ka chaand dekhne mein koi dushwari hoti hai? Logon ne arz kiya nahi ya Rasool Allah! Phir Aap ne poochha kiya jab baadal na hon to tumhein sooraj ko dekhne mein koi dushwari hoti hai? Logon ne jawab diya nahi ya Rasool Allah! Nabi Karim salla Allahu alaihi wasallam ne farmaya ke phir tum isi tarah Allah Ta'ala ko dekho ge Qayamat ke din Allah Ta'ala logon ko jama kare ga aur farmaye ga ketum mein jo koi jis cheez ki pooja paat kiya karta thu woh is ke peeche lag jaye. Chunanche jo sooraj ki pooja karta thu woh sooraj ke peeche ho jaye ga, jo chaand ki pooja karta thu woh chaand ke peeche ho jaye ga aur jo buton ki pooja karta thu woh buton ke peeche lag jaye ga (isi tarah qabron, tazhiyon ke pujari qabron, tazhiyon ke peeche lag jayein ge) phir yeh ummat baqi reh jaye gi is mein bade darja ke shafa'at karne wale bhi hon ge ya munafiq bhi hon ge Ibrahim ko in lafzhon mein shak thu. Phir Allah in ke paas aane ga aur farmaye ga ke main tumhara Rabb hoon, woh jawab dein ge ke hum yahien rahein ge. Yahan tak ke hamara Rabb aa jaye, jab hamara Rabb aa jaye ga to hum usay pehchan lein ge. Chunanche Allah Ta'ala in ke paas is surat mein aane ga jise woh pehchante hon ge aur farmaye ga ke main tumhara Rabb hoon, woh iqrar karein ge ke tu hamara Rabb hai. Chunanche woh is ke peeche ho jayein ge aur dozakh ki peeth par Pul-Sirat nasab kar diya jaye ga aur main aur meri ummat sab se pehle is ko paar karne wale hon ge aur is din sirf ambiya baat kar sakein ge aur ambiya ki zaban par yeh ho ga. Ae Allah! mujhko mahfooz rakkh, mujhko mahfooz rakkh. Aur dozakh mein darakht Saadaan ke kaanton ki tarah aankre hon ge. kiyatum ne Saadaan dekha hai? Logon ne jawab diya ke ji haan, ya Rasool Allah! To Nabi Karim salla Allahu alaihi wasallam ne farmaya ke woh Saadaan ke kaanton hi ki tarah hon ge albatta woh itne bade hon ge ke is ka tool o arz Allah ke siwa aur kisi ko maloom na ho ga. Woh logon ko in ke aamal ke badle mein uchak lein ge to in mein se kuch woh hon ge jo tabah hone wale hon ge aur apne amal e bad ki wajah se woh dozakh mein gir jayein ge ya apne amal ke saath bandhe hon ge aur in mein baaz tukre kar diye jayein ge ya badla diye jayein ge ya isi jaise alfaz bayan kiye. Phir Allah Ta'ala tajal-li farmaye ga aur jab bandon ke darmiyan faisla kar ke farigh ho ga aur dozakhiyon mein se jise apni rahmat se bahar nikaalna chahe ga to farishton ko hukm de ga ke jo Allah ke saath kisi ko shareek nahi thehrate thay unhein dozakh se bahar nikaalein, yeh woh log hon ge jin par Allah Ta'ala raham karna chahe ga. In mein se jinon ne kalma Laa ilaaha illallaah ka iqrar kiya tha. Chunanche farishte unhein sajdon ke nishan se dozakh mein pehchanein ge. Dozakh ibn e Adam ka har uzv jala kar bhasam kar de gi siwa sajda ke nishan ke, kyunke Allah Ta'ala ne dozakh par haram kiya hai ke woh sajdon ke nishan ko jalaye (ya Allah! hum gunahgaron ko dozakh se mahfooz rakhiyo hamain ko teri rahmat se yahi umeed hai) chunanche yeh log dozakh se is haal mein nikaale jayein ge ke yeh jal bhun chuke hon ge. Phir in par Aab e Hayat dala jaye ga aur yeh is ke neeche se is tarah ug kar niklein ge jis tarah sailab ke koore karkat se sabza ug aata hai. Phir Allah Ta'ala bandon ke darmiyan faisla se farigh ho ga. Ek shakhs baqi reh jaye ga jis ka chehra dozakh ki taraf ho ga, woh in dozakhiyon mein sab se aakhri insan ho ga jise jannat mein dakhil hona hai. Woh kahe ga: Ae Rabb! mera munh dozakh se pher de kyunke mujhe is ki garm hawa ne pareshan kar rakkha hai aur is ki teizi ne jhulsa dala hai. Phir Allah Ta'ala se woh is waqt tak dua karta rahe ga jab tak Allah chahe ga. Phir Allah Ta'ala farmaye ga kiya agar main tera yeh sawal poora kar doon ga to tu mujh se kuch aur maange ga? Woh kahe ga nahi, teri izzat ki qasam! is ke siwa aur koi cheez nahi maangoon ga aur woh shakhs Allah Rabb-ul-Izzat se bade ahad o paiman kare ga. Chunanche Allah is ka munh dozakh ki taraf se pher de ga. Phir jab woh jannat ki taraf rukh kare ga aur usay dekhe ga to itni der khamosh rahe ga jitni der Allah Ta'ala usay khamosh rehne dena chahe ga. Phir woh kahe ga: Ae Rabb! mujhe sirf jannat ke darwaze tak pahuncha de. Allah Ta'ala farmaye ga kiya tu ne waada nahi kiya thu ke jo kuch main ne diya hai is ke siwa aur kuch kabhi tu nahi maange ga? Afsos ibn e Adam tu kitna waada khilaf hai. Phir woh kahe ga: Ae Rabb! aur Allahسے dua kare ga. Aakhir Allah Ta'ala poochhe ga kiya agar main ne tera yeh sawal poora kiya to is ke siwa kuch aur maange ga? Woh kahe ga teri izzat ki qasam! is ke siwa aur kuch nahi maangoon ga aur jitne Allah chahe ga woh shakhs waada kare ga. Chunanche usay jannat ke darwaze tak pahuncha de ga. Phir jab woh jannat ke darwaze par khara ho jaye ga to jannat usay samne nazar aaye gi aur dekhe ga ke is ke andar kis qadar khairiyat aur masarrat hai. Is ke baad Allah Ta'ala jitni der chahe ga woh shakhs khamosh rahe ga. Phir kahe ga: Ae Rabb! mujhe jannat mein pahuncha de. Allah Ta'ala is par kahe ga kiya tu ne waada nahi kiya thu ke jo kuch main ne tumhein de diya hai is ke siwa to aur kuch nahi maange ga. Allah Ta'ala farmaye ga afsos! ibn e Adam tu kitna waada khilaf hai. Woh kahe ga: Ae Rabb! mujhe apni makhlooq mein sab se barh kar bad-bakht na bana. Chunanche woh musalsal dua karta rahe ga yahan tak ke Allah Ta'ala is ki duaon par hans de ga, jab hans de ga to is ke mutalliq kahe ga ke usay jannat mein dakhil kar do. Jannat mein usay dakhil kar de ga to is se farmaye ga ke apni aarzoo-ein bayan kar, woh apni tamam aarzoo-ein bayan kar de ga. Yahan tak ke Allah Ta'ala usay yaad dilaye ga. Woh kahe ga ke falan cheez, falan cheez, yahan tak ke is ki aarzoo-ein khatm ho jayein gi to Allah Ta'ala farmaye ga ke yeh aarzoo-ein aur unhi jaisi tumhein milein gi. ( «allaahum-mar-zuq-naa aameen»)