Balkay jab Aap salla Allahu alaihi wasallam se koi aaisi baat poochhi jaati jis baare mein wahi na utri hoti to Aap salla Allahu alaihi wasallam farmate main nahi jaanta ya wahi utarne tak khamosh rehte kuch jawab na dete kyunke Allah Paak ne (Surah Nisa mein) farmaya taake Allah, jaisa tujhko batlaye is ke muafiq tu hukm de.

Aur Abdullah bin Masood razi Allahu anhune kaha Nabi Karim salla Allahu alaihi wasallam se poochha gaya ke rooh kiya cheez hai? Aap salla Allahu alaihi wasallam khamosh ho rahe yahan tak ke yeh aayat utri.

Hum se Ali bin Abdullah Madini ne bayan kiya, kaha hum se Sufyan ne bayan kiya, kaha main ne Muhammad bin al-Munkadir se suna, bayan kiya ke main ne Jabir bin Abdullah raziAllahu anhuma se suna, unhon ne bayan kiya ke main beemar para to Rasool Allah salla Allahu alaihi wasallam aur Abu Bakr razi Allahu anhuiyadat ke liye tashreef laaye. Yeh donon buzurg paidal chal kar aane thay, phir Nabi Karim salla Allahu alaihi wasallam pahunche to mujh par be-hoshi tari ku. Nabi Karim salla Allahu alaihi wasallam ne wuzu kiya aur wuzu ka pani mujh par chhirka, is se mujhe afaqa hua to main ne arz kiya: ya Rasool Allah! aur baaz auqat Sufyan ne yeh alfaz bayan kiye ke main ne kaha: ya Rasool Allah! main apne maal ke baare mein kis tarah faisla karoon, main apne maal ka kiya karoon? Bayan kiya ke Nabi Karim salla Allahu alaihi wasallam ne koi jawab nahi diya, yahan tak ke meras ki aayat nazil hui.