Hum se Umar bin Hafs bin Ghiyas ne bayan kiya, kaha hamase hamare walid ne, kaha hamase Aamash ne bayan kiya, kaha mujh se Ibrahim Taymi ne bayan kiya, kaha mujh se meere walid ne bayan kiya, kaha ke Ali razi Allahu anhune hamain eint ke bane huay mimbar kar khara ho kar khutba diya. Aap talwar liye huay thay jis mein ek saheefa latka hua thu. Aap ne farmaya: wallah! hamare paas Kitab-ullah ke siwa koi aur kitab nahi jise parha jaye aur siwa is saheefa ke. Phir unhon ne usay khola to is mein diyat mein diye jaane wale oonton ki umron ka bayan thu. (ke diyat mein itni itni umr ke oont diye jayein) aur is mein yeh bhi thu ke Madinah Tayyibah ki zameen Ayr pahari se Sawr pahari tak haram hai. Pas is mein jo koi nayi baat (bidat) nikaale ga is par Allah ki lanat hai aur farishton ki aur tamam logon ki. Allah is se kisi farz ya nafl ibadat ko qabool nahi kare ga aur is mein yeh bhi thu ke Musalmanon ki zimma-dari (ahad ya aman) ek hai is ka zimma-dar in mein sab se adna Musalman bhi ho sakta hai pas jis ne kisi Musalman ka zimma tora, is par Allah ki lanat hai aur farishton ki aur tamam logon ki. Allah is ki na farz ibadat qabool kare ga aur na nafl ibadat aur is mein yeh bhi thu ke jis ne kisi se apni waliyon ki ijazat ke baghair walaa ka rishta qaim kiya is par aur farishton aur tamam insaanon ki lanat hai, Allah na is ki farz namaz qabool kare ga na nafl.