`Hum se Muhammad bin Yusuf Faryabi ne bayan kiya, kaha hum ko Sufyan Sauri ne khabar di, unhein Hisham bin Urwa ne, unhein un ke walid ne aur un se Abdullah bin Umar Radi Allahu Anhuma ne bayan kiya ke Umar Radi Allahu Anhu jab zakhmi hue to un se kaha gaya ke aap apna khalifa kisi ko kyun nahi muntakhab kar dete, aap ne farmaya ke agar kisi ko khalifa muntakhab karta hoon (to is ki bhi misal hai ke) us shakhs ne apna khalifa muntakhab kiya tha jo mujh se behtar thay yaani Abu Bakr Radi Allahu Anhu aur agar mein ise musalmanon ki raye par chhodta hoon to (is ki bhi misal maujood hai ke) us buzurg ne (khalifa ka intikhab musalmanon ke liye) chhod diya tha jo mujh se behtar thay yaani Rasul Allah صلی اللہ علیہ وسلم . Phir logon ne aap ki tareef ki, phir unhon ne kaha ke koi to dil se meri tareef karta hai koi darr kar. Ab mein to yahi ganimat samajhta hoon ke khilafat ki zimmedariyon mein Allah ke haan barabar barabar hi chhoot jaoon, na mujhe kuch sawab mile aur na koi azab mein ne khilafat ka bojh apni zindagi bhar uthaya. Ab marne par mein is baar ko nahi uthaoon ga.