Aur Allah Ta'ala ne (Surah Ina Fatahna mein) farmaya «Laqad sadaqallahu rasoolahur-ru'ya bil-haqqi latadkhulunnal-Masjidal-Harama in sha'Allahu aamineena muhalliqeena ru'oosakum wa muqassireena la takhafoona fa'alima ma lam ta'lamoo faja'ala min dooni zalika fathan qareeba» ke ”Bilashuba Allah Ta'ala ne apne Rasul ka khwab sach kar dikhaya ke yaqeenan tum Masjid-ul-Haram mein dakhil ho ge agar Allah ne chaha aman ke saath kuch log apne sar ke baalon ko mundwayein ge ya kuch katwayein ge aur tumhein kisi ka khauf na ho ga. Lekin Allah Ta'ala ko wo baat maloom thi jo tumhein maloom nahi hai phir Allah ne sarsast tum ko ek fatah (Fatah-e-Khaibar) kara di.“

`Hum se Abdullah bin Maslama Qanabi ne bayan kiya, unhon ne kaha hum se Imam Malik ne bayan kiya, un se Ishaq bin Abdullah bin Abi Talha ne bayan kiya aur un se Anas bin Malik Radi Allahu Anhu ne bayan kiya ke Rasul Allah صلی اللہ علیہ وسلم ne farmaya ”Kisi naik aadmi ka accha khwab nabuwwat ka chhiyaleeswan hissa hai.“