Aur Allahپاک ne (Surah al-Noor mein) farmaya ”jo log paak-daman aazad logon ko tuhmat lagate hain phir char gawah ruyat ke nahi laate to un ko assi koray lagao aur aayinda in ki gawahi kabhi bhi manzhur na karo yahi bad-kaar log hain haan jo in mein se is ke baad tauba kar lein aur naik-chalan ho jayein to beshak Allahbakhshne wala meherban hai .“ Is surat mein mazeed farmaya ke ”beshak jo log paak-daman aazad bholi-bhaali imandar auraton par tuhmat lagate hain woh duniya aur aakhirat donon jagah mal-oon hon ge aur un ko mal-oon hone ke siwa bada azab bhi ho ga .“ Is surat mein farmaya ”aur jo log apni biwiyon par tuhmat lagayein aur in ke apne siwa in ke paas gawah bhi koi na ho ----“ aakhir aayat tak .

Hum se Abd-ul-Aziz bin Abdullah ne bayan kiya , unhon ne kaha hum se Sulayman bin Bilal ne bayan kiya , in se Sawr bin Zaid ne bayan kiya , in se Abu al-Ghais Salim ne bayan kiya , aur in se Abu Hurairah razi Allahu anhu ne bayan kiya ke Nabi Karim salla Allahu alaihi wasallam ne farmaya ”saat muhlik gunahon se bacho . Sahabah ne arz kiya: ya Rasool Allah! Woh kiya kiya hain ? Nabi Karim salla Allahu alaihi wasallam ne farmaya ke Allah ke saath shirk karna , jadoo karna , nahaq kisi ki jaan lena jo Allah ne haram kiya hai , sood khana , yateem ka maal khana , jang ke din peeth pherna aur paak-daman ghafil momin auraton ko tuhmat lagana .“