Ata ne kaha ke aaisi surat mein Nabi Karim salla Allahu alaihi wasallam ne usay koi saza nahi di thi . Ibn Jurayj ne kaha ke Nabi Karim salla Allahu alaihi wasallam ne is shakhs ko koi saza nahi di thi jinon ne Ramzan mein biwi se suhbat kar li ku . Isi tarah Umar razi Allahu anhu ne (halat e ihram mein) haran ka shikar karne wale ko saza nahi di aur is baab mein Abu Usman ki riwayat Ibn Masood razi Allahu anhuse bahawala Nabi Karim salla Allahu alaihi wasallam marwi hai .

Hum se Qutaybah bin Saeed ne bayan kiya , in se Layth bin Saad ne bayan kiya , in se Ibn Shihab ne , in se Humayd bin Abd-ur-Rahman ne aur in se Abu Hurairah razi Allahu anhu ne ke ek sahab ne Ramzan mein apni biwi se hum-bistari kar li aur phir Rasool Allahsalla Allahu alaihi wasallam se is ka hukm poochha to Nabi Karim salla Allahu alaihi wasallam ne farmaya kiya tumhare paas koi ghulam hai ? Unhon ne kaha ke nahi . Is par Nabi Karim salla Allahu alaihi wasallam ne daryaft farmaya do mahine roze rakhne ki tum mein taqat nahi ? Unhon ne kaha ke nahi . Nabi Karim salla Allahu alaihi wasallam ne is par kaha ke phir saath muhtajon ko khana khilao .