Aur Imam Hasan Basri is ke saath walaa ke talluq ko durust nahi samajhte thay aur Nabi Karim salla Allahu alaihi wasallam ne farmaya ke walaa is ke saath qaim ho gi jo aazad kare aur Tameem bin Aus Daari se manqool hai , unhon ne marfoo-an riwayat ki ke woh zindagi aur maut donon halaton mein sab logon se zyada is par haq rakkhta hai lekin is hadees ki sehat mein ikhtilaf hai .

Hum se Qutaybah bin Saeed ne bayan kiya , in se Imam Malik rahmahullah ne bayan kiya , in se Nafi ne , in se Ibn Umar razi Allahu anhuma ne ke Umm al-Momineen Aisha razi Allahu anha ne ek kaneez ko aazad karne ke liye khareedna chaha to kaneez ke maalkon ne kaha ke hum beich sakte hain lekin walaa hamare saath ho gi . Umm al-Momineen ne is ka zikr Rasool Allah salla Allahu alaihi wasallam se kiya to Aap salla Allahu alaihi wasallam ne farmaya ke is shart ko manay na ban-ne do , walaa hamesha isi ke saath qaim hoti hai jo aazad kare .