Hum se Saeed bin Abi Maryam ne bayan kiya , kaha hum se Abu Ghassan ne bayan kiya , kaha mujh se Abu Hazim ne bayan kiya aur in se Sahl bin Saad razi Allahu anhu ne ke ek shakhs jo Musalmanon ki taraf se bari bahaduri se lar raha thu aur is ghazwa mein Nabi Karim salla Allahu alaihi wasallam bhi maujood thay . Nabi Karim salla Allahu alaihi wasallam ne dekha aur farmaya ke jo kisi jahannumi shakhs ko dekhna chahta hai woh is shakhs ko dekh le chunanche woh shakhs jab isi tarah larnay mein masroof thu aur mushrikeen ko apni bahaduri ki wajah se sakht-tar takaleef mein mubtala kar raha thu to ek Musalman is ke peeche peeche chala , aakhir woh shakhs zakhmi ho gaya aur jaldi se mar jaana chaha , is liye ne apni talwar ki dhaar apne seene par laga li aur talwar is ke shanon ko paar karti hui nikal gayi . Is ke baad peecha karne wala shakhs Nabi Karim salla Allahu alaihi wasallam ki khidmat mein dorta hua hazir hua aur arz kiya , main gawahi deta hoon ke Aap Allah ke Rasool hain . Nabi Karim salla Allahu alaihi wasallam ne farmaya ke baat kya hai ? In sahab ne kaha ke Aap ne falan shakhs ke baare mein farmaya tha ke jo kisi jahannumi ko dekhna chahta hai woh is shakhs ko dekh le haalan-ke woh shakhs Musalmanon ki taraf se bari bahaduri se lar raha thu . Main samjha ke woh is halat mein nahi mare ga . Lekin jab woh zakhmi ho gaya to jaldi se mar jaane ki khwahish mein us ne khud-kushi kar li . Nabi Karim salla Allahu alaihi wasallam ne farmaya ke banda dozakhiyon ke se kaam karta rehta hai haalan-ke woh jannati hota hai (isi tarah doosra banda) jannatiyon ke kaam karta rehta hai haalan-ke woh dozakhi hota hai , bilashubha amlon ka aitbar khatma par hai .