Hum se Ali bin Abdullah ne bayan kiya , unhon ne kaha hum se Muhammad bin Abd-ur-Rahman Abu al-Munzhir Tafaawi ne bayan kiya , unhon ne kaha hum se Sulayman Aamash ne bayan kiya , unhon ne kaha mujh se Mujahid ne bayan kiya , unhon ne kaha hum se Abdullah bin Umar razi Allahu anhuma ne bayan kiya ke Rasool Allah salla Allahu alaihi wasallam ne mera shana pakar kar farmaya ”duniya mein is tarah ho ja jaise tu musafir ya rasta chalne wala ho .“ Abdullah bin Umar razi Allahu anhuma farmaya karte thay shaam ho jaye to subah ke muntazhir na raho aur subah ke waqt shaam ke muntazhir na raho , apni sehat ko marz se pehle ghaneemat jaano aur zindagi ko maut se pehle .