Hum se Musaddad bin Musarhad ne bayan kiya, kaha hum se Mutamir bin Sulayman ne bayan kiya, kaha ke main ne apne walid se suna, bayan kiya ke main ne Anas bin Malik razi Allahu anhu se suna, unhon ne bayan kiya ke Nabi Karim salla Allahu alaihi wasallam kaha karte thay «allaahumma innee aoozhu bika minal-ajzhi wal-kasali, wal-jubni wal-harami, wa aoozhu bika min azhaabil-qabri, wa aoozhu bika min fitnatil-mahyaa wal-mamaati» ”Ae Allah! Main teri panah maangta hoon aajizi se, susti se, buzdili se aur bahut zyada burhape se aur main teri panah maangta hoon zindagi aur maut ki aazmaishon se.“