Hum se Qutaybah bin Saeed ne bayan kiya, kaha hum se Muhammad bin Abdullah Ansari ne, kaha ke mujh se mere walid ne, in se Sumama ne aur in se Anas razi Allahu anhu ne ke (in ki walda) Umm Sulaym, Nabi Karim salla Allahu alaihi wasallam ke liye chamre ka farsh bichha deti thien aur Nabi Karim salla Allahu alaihi wasallam in ke yahan isi par qailula kar laite thay. Bayan kiya phir jab Nabi Karim salla Allahu alaihi wasallam so gaye (aur bedar huay) to Umm Sulaym razi Allahu anha ne Nabi Karim salla Allahu alaihi wasallam ka pasina aur (jhare huay) Aap ke baal le liye aur (pasina ko) ek sheeshi mein jama kiya aur phir «suk-ku» (ek khushboo) mein usay mila liya. Bayan kiya hai ke phir jab Anas bin Malik razi Allahu anhu ki wafat ka waqt qareeb hua to unhon ne wasiyat ki ke is «suk-ku» (jis mein Nabi Karim salla Allahu alaihi wasallam ka pasina mila hua thu) mein se in ke hanoat mein mila diya jaye. Bayan kiya hai ke phir in ke hanoat mein usay milaya gaya.