Hum se Sadaqah bin Fadl ne bayan kiya , unhon ne kaha hum ko Sufyan bin Uyaynah ne khabar di , unhon ne Muhammad bin al-Munkadir se suna , unhon ne Urwah bin Zubayr se suna aur unhein Umm al-Momineen Aisha razi Allahu anha ne khabar di , unhon ne bayan kiya ke ek shakhs ne Rasool Allah salla Allahu alaihi wasallam se andar aane ki ijazat chahi to Aap salla Allahu alaihi wasallam ne farmaya ke usay ijazat de do , falan qabila ka yeh bura aadmi hai jab woh shakhs andar aaya to Aap ne is ke saath bari narmi se guftagu ki . Main ne arz kiya: ya Rasool Allah! Aap ko is ke mutalliq jo kuch kehna tha woh irshad farmaya aur phir is ke saath narm guftagu ki . Aap salla Allahu alaihi wasallam ne farmaya , Aisha! Woh bad-tareen aadmi hai jise is ki bad-kalami ke dar se log (usay) chhorr dein .