Hum se Abdullah bin Yusuf ne bayan kiya, kaha hum se Layth ne bayan kiya, kaha hum se Saeed ne bayan kiya woh Saeed Muqbiri hain, in se un ke walid ne aur in se Abu Hurairah razi Allahu anhu ne bayan kiya ke Nabi Karim salla Allahu alaihi wasallam farmaya karte thay ”Ae Musalman aurato! Tum mein se koi aurat apni kisi parosan ke liye kisi bhi cheez ko (hadiya mein) dene ke liye haqeer na samjhe khwah bakri ka paaya hi kyun na ho.“