Hum se Muhammad bin Kaseer ne bayan kiya, kaha hum se Sufyan Sawri ne khabar di, unhein Aamash aur Hasan bin Amr aur Fitr bin Khaleefa ne, in se Mujahid bin Jubayr ne aur in se Abdullah bin Amr razi Allahu anhuma ne Sufyan se, kaha ke Aamash ne yeh hadees Nabi Karim salla Allahu alaihi wasallam tak marfoo nahi bayan ki lekin Hasan aur Fitr ne Nabi Karim salla Allahu alaihi wasallam se marfoo-an bayan kiya, farmaya ke kisi kaam ka badla dena sila-rahmi nahi hai balkay sila-rahmi karne wala woh hai ke jab is ke saath sila-rahmi ka muamla na kiya ja raha ho tab bhi woh sila-rahmi kare.