Hum se Amr bin Abbas ne bayan kiya, unhon ne kaha mujh se Muhammad bin Jafar ne bayan kiya, unhon ne kaha hum se Shubah ne bayan kiya, in se Ismail bin Abi Khalid ne bayan kiya, in se Qays bin Abi Hazim ne bayan kiya, in se Amr bin al-Aas razi Allahu anhu ne bayan kiya ke main ne Nabi Karim salla Allahu alaihi wasallam se suna ke falan ki aulad (yani Abu Sufyan bin Hakam bin Aas ya Abu Lahab ki aulad) yeh Amr bin Abbas ne kaha ke Muhammad bin Jafar ki kitab mein is wahm par sufaid jagah khaali thi (yani tahreer na thi) mere azeez nahi hain (go in se nasbi rishta hai) mera wali to Allah hai aur mere azeez to wali hain jo Musalmanon mein naik aur parhezgar hain (go in se nasbi rishta bhi na ho). Anbasa bin Abd-ul-Wahid ne Bayaan bin Bishr se, unhon ne Qays se, unhon ne Amr bin al-Aas se itna barhaya hai ke main ne Nabi Karim salla Allahu alaihi wasallam se suna, Aap ne farmaya albatta in se mera rishta naata hai agar woh tar rakhein ge to main bhi tar rakkhoon ga yani woh naata jorreingay to main bhi jorroon ga.