Aur Layth ne bayan kiya ke mujh se Hisham ne bayan kiya, in se Urwah ne aur in se Asmaa razi Allahu anha ne bayan kiya ke meri walda mushrika thien woh Nabi Karim salla Allahu alaihi wasallam ke Quraish ke saath sulah ke zamana mein apne walid ke saath (Madinah Munawwarah) aayin. Main ne Nabi Karim salla Allahu alaihi wasallam se un ke mutalliq poochha ke meri walda aayi hain aur woh Islam se alag hain (kya main in ke saath sila-rahmi kar sakti hoon?) Nabi Karim salla Allahu alaihi wasallam ne farmaya ke haan apni walda ke saath sila-rahmi karo.