Mujh se Yahya bin Abi Basheer ne bayan kiya, kaha hum se Abd-ur-Razzaq ne bayan kiya, in se Mamar ne, in se Humam ne aur in se Abu Hurairah razi Allahu anhu ne bayan kiya ke Rasool Allah salla Allahu alaihi wasallam ne farmaya ”nazar lag jaana haq hai“ aur Nabi Karim salla Allahu alaihi wasallam ne godne se mana farmaya.

Mujh se Muhammad bin Bashar ne bayan kiya, kaha hum se Ibn Mahdi ne bayan kiya, kaha hum se Sufyan bin Uyaynah ne bayan kiya, kaha ke main ne Abd-ur-Rahman bin Aabis se Mansoor ki hadees zikr ki jo woh Ibrahim se bayan karte thay ke in se Alqama ne aur in se Abdullah bin Masood razi Allahu anhu ne bayan kiya to Abd-ur-Rahman ne kaha ke main ne bhi Mansoor ki hadees ki tarah Umm Yaqoob se suna hai woh Abdullah bin Masood razi Allahu anhu se bayan karti thien.