Hum se Moosa bin Ismail ne bayan kiya , kaha hum se Abdul Wahid bin Ziyad ne bayan kiya , kaha hum se Shaibani ne bayan kiya , kaha hum se Abdur Rahman bin Aswad ne bayan kiya , unhon ne apne walid se , unhon ne Aisha raziyallahu anha se ke aap ne farmaya ke do rakaton ko Rasool Allah salla Allahu alaihi wa sallam ne kabhi tark nahi farmaya , posheeda ho ya aam logon ke samne , subah ki namaz se pehle do rakaten aur asr ki namaz ke baad do rakaten .