Hum se Saeed bin Afir ne bayan kiya, kaha ke mujh se Layth bin Saad ne bayan kiya, kaha ke mujh se Abd-ur-Rahman bin Khalid ne bayan kiya, in se Ibn Shihab ne, in se Salim bin Abdullah ne aur in se in ke walid ne bayan kiya ke Rasool Allah salla Allahu alaihi wasallam ne farmaya ”ek shakhs ghuroor mein apna tehmat ghasit-ta hua chal raha tha ke usay zameen mein dhansa diya gaya aur woh isi tarah Qayamat tak zameen mein dhans-ta hi rahe ga.“ Is ki mutabia-t Yunus ne Zuhri se ki hai, unhon ne Abu Hurairah razi Allahu anhu se, usay marfoo-an nahi bayan kiya.

Mujh se Abdullah bin Muhammad Musandi ne bayan kiya, kaha hum se Wahb bin Jareer ne bayan kiya, kaha mujhko mere walid ne khabar di, in se un ke chacha Jareer bin Zayd ne bayan kiya ke main Salim bin Abdullah bin Umar ke saath in ke ghar ke darwaze par thu unhon ne bayan kiya ke main ne Abu Hurairah razi Allahu anhu se suna unhon ne Nabi Karim salla Allahu alaihi wasallam se isi hadees ki tarah bayan kiya.