Hum se Umar bin Hafs bin Ghiyas ne bayan kiya , kaha hum se hamare walid ne bayan kiya , kaha hum se Aamash ne bayan kiya , kaha main ne Abu Salih se suna , jaisa ke mujhe yaad hai woh Jabir bin Abdullah Ansari razi Allahu anhuma se bayan karte thay ke unhon ne bayan kiya ke ek Ansari sahabi Abu Humayd Saadi razi Allahu anhu Maqam e Naqee se ek bartan mein doodh Nabi kareem salla Allahu alaihi wasallam ke liye laaye . Nabi kareem salla Allahu alaihi wasallam ne in se farmaya ke usay dhak kar kyun nahi laaye , is par lakri hi rakh dete . Aur Aamash ne kaha ke mujh se Abu Sufyan ne bayan kiya , in se Jabir razi Allahanhu ne aur in se Nabi kareem salla Allahu alaihi wasallam ne yahi hadees bayan ki .