Hum se Humaydi ne bayan kiya , unhon ne Sufyan bin Uyaynah se suna , unhon ne kaha ke hamain ko Salim Abu al-Nadr ne khabar di , unhon ne Umm al-Fadl (walda Abdullah bin Abbas) ke ghulam Umair se suna , woh Umm al-Fadl razi Allahu anha se bayan karte hain , unhon ne bayan kiya ke Arfa ke din Rasool Allah salla Allahu alaihi wasallam ke roze ke baare mein sahabah ikraam razi Allahu anhum ko shubha thu . Is liye main ne Aap ke liye ek bartan mein doodh bheja aur Nabi kareem salla Allahu alaihi wasallam ne usay pee liya . Humaydi kehte hain kabhi Sufyan is hadees ko yun bayan karte thay ke Arfa ke din Rasool Allah salla Allahu alaihi wasallam ke roze ke baare mein logon ko shubha thu is liye Umm al-Fadl ne Nabi kareem salla Allahu alaihi wasallam ke liye (doodh) bheja . Kabhi Sufyan is hadees ko mursalan Umm al-Fadl se riwayat karte thay Salim aur Umair ka naam na lete . Jab in se poochte ke yeh hadees mursal hai ya marfoo muttasil to woh is waqt kehte (marfoo muttasil hai) Umm Fadl se marwi hai (jo sahabia thien) .