Aur is ke baare mein jis ne kaha ke har nasha-aawar mashroob haram hai aur Umar , Abu Ubaidah bin Jarrah aur Maaz razi Allahanhum ki rai yeh ku ke jab koi aisa sharbat (tila) pak kar ek musallas tihayi reh jaye to is ko peene mein koi haraj nahi hai aur Bara bin Azib aur Abu Juhaifah razi Allahu anhuma ne (pak kar) aadha reh jaane par bhi piya . Ibn Abbas razi Allahu anhuma ne kaha ke shera jab tak taza ho usay pee sakte ho . Umar razi Allahu anhu ne kaha ke main ne Ubaidullah (in ke larke) ke munh mein ek mashroob ki boo ke mutalliq suna hai main is se poochon ga agar woh peene ki cheez nasha-aawar sabit hui to main is par hadd e shar-ee jaari karoon ga .

Hum se Muhammad bin Kaseer ne bayan kiya , kaha hum ko Sufyan Sawri ne khabar di , unhein Abu al-Juwayriyah ne kaha ke main ne Ibn Abbas razi Allahu anhuma se «baazhiq» (angoor ka shera halki aanch diya hua) ke mutalliq poochha to unhon ne kaha ke Muhammad salla Allahu alaihi wasallam «baazhiq» ke wujood se pehle hi duniya se rukhwat ho gaye thay jo cheez bhi nasha laaye woh haram hai . Abu al-Juwayriyah ne kaha ke «baazhiq» to halal o tayyib hai . Ibn Abbas razi Allahu anhuma ne kaha ke angoor halal o tayyib thu jab is ki sharab ban gayi to woh haram khabees hai (na ke halal o tayyib) .