Hum se Ismail ne bayan kiya , kaha ke mujh se Sulayman ne bayan kiya , in se Yahya bin Saeed ne , in se Qasim ne , unhein Ibn Khuzaima ne khabar di , unhon ne Abu Saeed razi Allahu anhu se suna , unhon ne bayan kiya ke woh safar mein thay jab wapas aaye to in ke samne gosht laya gaya . Kaha gaya ke yeh hamari qurbani ka gosht hai . Abu Saeed razi Allahu anhu ne kaha ke usay hatao main usay nahi chakhon ga . Abu Saeed razi Allahu anhu ne bayan kiya ke phir uth gaya aur ghar se bahar nikal kar apne bhai Abu Qatadah razi Allahu anhu ke paas aaya woh maan ki taraf se in ke bhai thay aur Badr ki larayi mein shirkat karne walon mein se thay . Main ne in se is ka zikr kiya aur unhon ne kaha ke tumhare baad hukm badal gaya hai .