Hum se Ibrahim bin al-Munzhir ne bayan kiya , kaha ke mujh se Muhammad bin Falih ne bayan kiya , kaha ke mujh se mere walid ne , in se Saeed bin al-Haris ne aur in se Jabir bin Abdullah razi Allahu anhuma ne ke Saeed bin al-Haris ne Jabir razi Allahu anhu se aaisi cheez ke (khane ke baad) jo aag par rakkhi ho wuzu ke mutalliq poochha (ke kiya aaisi cheez khane se wuzu toot jata hai ?) to unhon ne kaha ke nahi . Nabi Karim salla Allahu alaihi wasallam ke zamana mein hamain is tarah ka khana (jo paka hua hota) bahut kam muyassar aata tha aur agar muyassar aa bhi jata tha to siwa hamari hatheliyon baazuon aur paon ke koi roomal nahi hota tha (aur hum unhi se apne hath saaf kar ke) namaz parh lete thay aur wuzu .