Aur Aisha razi Allahu anhuma aur Asmaa razi Allahu anhuma kehti hain ke hum ne Nabi Karim salla Allahu alaihi wasallam aur Abu Bakr razi Allahu anhu ke liye (Makkah Mukarramah se Madinah Munawwarah ke safar e Hijrat ke liye) tosha tayyar kiya tha (jise ek dastar-khwan mein baandh diya gaya thu) .

Hum se Khallad bin Yahya ne bayan kiya , kaha hum se Sufyan ne , in se Abdur Rahman bin Aabis ne , in se un ke walid ne bayan kiya ke main ne Aisha razi Allahu anha se poochha kiya Nabi Karim salla Allahu alaihi wasallam ne teen din se zyada qurbani ka gosht khane se mana kiya hai ? Unhon ne kaha ke Nabi Karim salla Allahu alaihi wasallam ne aisa kabhi nahi kiya . Sirf ek saal is ka hukm diya tha jis saal qahet para thu . Nabi Karim salla Allahu alaihi wasallam ne chaha tha (is hukm ke zariye) ke jo maal wale hain woh (gosht mahfooz karne ke bajaye) muhtajon ko khila dein aur hum bakri ke paye mahfooz rakh lete thay aur usay pandrah pandrah din baad khate thay . In se poochha gaya ke aisa karne ke liye kiya majboori ku ? Is par Umm al-Momineen razi Allahu anha hans parrein aur farmaya Aal e Muhammad salla Allahu alaihi wasallam ne salan ke saath gehoon ki roti teen din tak barabar kabhi nahi khayi yahan tak ke Aap Allah se ja mile . Aur Ibn Kaseer ne bayan kiya ke hamain Sufyan ne khabar di , in se Abdur Rahman bin Aabis ne yahi hadees bayan ki .