Aur Allah Ta'ala ka farman «an jaa'a bi-ijlin haneezin» ”phir woh bhuna hua bichhra le kar aaye“ . Lafz «haneezun» ke maani bhuna hua hai .

Hum se Ali bin Abdullah ne bayan kiya , kaha hum se Hisham bin Yusuf ne bayan kiya , kaha hum ko Mamar ne khabar di , unhein Zuhri ne , unhein Abu Umama bin Sahl ne aur unhein Ibn Abbas razi Allahu anhuma ne ke Khalid bin Waleed razi Allahu anhu ne bayan kiya ke Nabi Karim salla Allahu alaihi wasallam ke liye bhuna hua saahina pesh kiya gaya to Aap usay khane ke liye mutawajjo huay . Isi waqt Aap ko bataya gaya ke yeh saahina hai to Aap salla Allahu alaihi wasallam ne اپنا hath rok liya . Khalid razi Allahu anhu ne poochha kiya yeh haram hai ? Farmaya ke nahi lekin kyunke yeh meere mulk mein nahi hota is liye tabiyat usay gawara nahi karti . Phir Khalid razi Allahu anhu ne usay khaya aur Nabi Karim salla Allahu alaihi wasallam dekh rahe thay . Imam Malik ne Ibn Shihab se «dabbun mahnoozun» (yani bhuna hua saahina «dabbun mashwiy-yun» ki jagah «mahnoozun» naqal kiya , donon lafzon ka ek maani hai) .