Kyunke Allah Ta'ala ne (Surah al-Baqarah) mein farmaya «la junaha alaykum in tallaqtum-un-nisa'a ma lam tamassoohunna» yani ”tum par koi gunah nahi ke tum in biwiyon ko jinhein tum ne na hath lagaya ho aur na in ke liye mahr muqarrar kiya ho talaq de do to un ko kuch faida pahunchao .“ Irshad «innallaha bima ta'maloona baseer-un» tak . Aur Allah Ta'ala ne isi surat mein farmaya talaq wali auraton ke liye dastoor ke muwafiq dena parhezgaron par wajib hai . Allah Ta'ala isi tarah tumhare liye khol kar apne ahkam byaan karta hai . Shayad ke tum samajho .“ Aur liaan ke mauqa par , jab aurat ke shohar ne usay talaq di thi to Nabi Karim salla Allahu alaihi wasallam ne mataa ka zikr nahi farmaya tha .

Hum se Qutaybah bin Saeed ne byaan kiya , kaha hum se Sufyan bin Uyaynah ne byaan kiya , in se Amr bin Dinar ne , in se Saeed bin Jubayr ne aur in se Ibn Umar razi Allahu anhuma ne ke Nabi Karim salla Allahu alaihi wasallam ne liaan karne wale miyan biwi se farmaya ke tumhara hisab Allah ke yahan ho ga . Tum mein se ek to yaqeenan jhoota hai . Tumhare yani (shohar ke) liye isay (biwi ko) haasil karne ka ab koi rasta nahi hai . Shohar ne arz kiya: ya Rasool Allah! Mera maal ? Nabi Karim salla Allahu alaihi wasallam ne farmaya ke ab woh tumhara maal nahi raha . Agar tum ne is ke mutalliq sach kaha tha to woh is ke badla mein hai ke tum ne is ki sharmgah apne liye halal ki ku aur agar tum ne is par jhooti tohmat lagayi thi tab to aur zyada tujhko kuch na milna chahiye .