Hum se Qutaybah bin Saeed ne byaan kiya , kaha hum se Layth bin Saad ne byaan kiya , in se Nafi ne ke Ibn Umar razi Allahu anhuma is eila ke baare mein jis ka zikr Allah Ta'ala ne kiya hai , farmate thay ke muddat poori hone ke baad kisi ke liye jaiz nahi , siwa is ke ke qaida ke mutabiq (apni biwi ko) apne paas hi rok le ya phir talaq de , jaisa ke Allah Ta'ala ne hukm diya hai . Aur Imam Bukhari rahmahullah ne kaha ke mujh se Ismail ne byaan kiya ke in se Imam Malik rahmahullah ne byaan kiya , in se Nafi ne aur in se Ibn Umar razi Allahu anhuma ne ke char mahine guzar jayein to usay qazi ke samne pesh kiya jaye ga , yahan tak ke woh talaq dede aur talaq is waqt tak nahi hoti jab tak talaq di na jaye aur Usman , Ali , Abu Dardaa aur Aisha aur barah doosre sahabah rizwan-ullahi alaihim se bhi aisa hi marwi hai .