Hum se Ibrahim bin Musa ne byaan kiya , kaha hum ko Hisham bin Urwah ne khabar di , unhein Ibn Jurayj ne ke Ata Raasani ne byaan kiya aur in se Ibn Abbas razi Allahu anhuma ne ke Nabi Karim salla Allahu alaihi wasallam aur momineen ke liye mushrikeen do tarah ke thay . Ek to mushrikeen larayi karne walon se ke Nabi Karim salla Allahu alaihi wasallam in se jang karte thay aur woh Nabi Karim salla Allahu alaihi wasallam se jang karte thay . Doosre ahad o paiman karne wale mushrikeen ke Nabi Karim salla Allahu alaihi wasallam in se jang nahi karte thay aur na woh Nabi Karim salla Allahu alaihi wasallam se jang karte thay aur jab Ahl e Kitab harb ki koi aurat (Islam qabool karne ke baad) Hijrat kar ke (Madinah Munawwarah) aati to unhein is waqt tak paigham e nikah na diya jata yahan tak ke unhein haiz aata aur phir woh is se paak hotien , phir jab woh paak ho jatien to in se nikah jaiz ho jata , phir agar in ke shohar bhi , in ke kisi doosre shakhs se nikah kar lene se pehle Hijrat kar ke aa jaate to yeh unhi ko miltien aur agar mushrikeen mein se koi ghulam ya laundi Musalman ho kar Hijrat karti to woh aazad samjhe jaate aur un ke wahi huqooq hote jo tamam Muhajireen ke thay . Phir Ata ne muahid mushrikeen ke silsile mein Mujahid ki hadees ki tarah se surat e haal byaan ki ke agar muahid mushrikeen ki koi ghulam ya laundi Hijrat kar ke aa jaati to unhein in ke malik mushrikeen ko wapas nahi kiya jata tha . Albatta jo in ki qeemat hoti woh wapas kar di jaati thi .