Hum se Muhammad bin Salam Baykandi ne byaan kiya , kaha hum ko Abdul Wahhab Saqafi ne khabar di , kaha hum se Khalid Hazza ne , in se Ikrimah ne aur in se Ibn Abbas razi Allahu anhuma ne ke Barira razi Allahu anha ke shohar ghulam thay aur in ka naam Mugheeth tha . Goya main is waqt is ko dekh raha hoon jab woh Barira razi Allahu anha ke peeche peeche rote huay phir rahe thay aur aansuon se in ki darhi tarr ho rahi thi . Is par Nabi Karim salla Allahu alaihi wasallam ne Abbas razi Allahu anhu se farmaya: Abbas! Kya tumhein Mugheeth ki Barira se mohabbat aur Barira ki Mugheeth se nafrat par hairat nahi hui ? Aakhir Nabi Karim salla Allahu alaihi wasallam ne Barira razi Allahu anha se farmaya ke kaash! Tum is ke baare mein apna faisla badal deteien . Unhon ne arz kiya: ya Rasool Allah! Kya Aap mujhe is ka hukm farma rahe hain ? Nabi Karim salla Allahu alaihi wasallam ne farmaya ke main sirf sifarish kar raha hoon . Unhon ne is par kaha ke mujhe Mugheeth ke paas rehne ki khwahish nahi hai .