Hum se Sulayman bin Harb ne byaan kiya , in se Hammad bin Yazid ne byaan kiya , in se Ayub Sakhtiyani ne in se Ikrimah ne yahi qissa (mursalan) naqal kiya aur is mein khatoon ka naam Jameelah aaya hai .

Aur Allah ne (Surah Nisa mein) farmaya «wa in khiftum shiqaqa baynihima fab-asoo hakamam min ahlihi wa hakamam min ahliha» ”agar tum miyan biwi ki na-ittifaqi se daro to ek panch mard walon mein se bhejo aur ek panch aurat ki taraf se muqarrar karo .“ (aakhir aayat tak) .