Hum se Musaddad ne byaan kiya , kaha hum se Hammad bin Zayd ne byaan kiya , un se Hisham bin Urwah ne , un se un ke walid Urwah bin Zubayr ne aur un se Aisha razi Allahu anha ne byaan kiya ke mujh se Rasool Allah salla Allahu alaihi wasallam ne farmaya ke (nikah se pehle) main ne tumhein khwab mein dekha ke ek farishta (Jibraeel alaihissalam) resham ke ek tukre mein tumhein lapait kar le aaya hai aur mujh se keh raha hai ke yeh tumhari biwi hai . Main ne is ke chehre se kapra hataya to woh tum thien . Main ne kaha ke agar yeh khwab Allah ki taraf se hai to woh usay khud hi poora kar de ga .