Aur Ibn Abi Zib ne byaan kiya ke mujh se Iyas bin Salamah bin al-Akwa ne byaan kiya aur in se un ke walid ne aur in se Rasool Allah salla Allahu alaihi wasallam ne farmaya ke jo mard aur aurat muta kar lein aur koi muddat mutayyan na karein to (kam se kam) teen din , teen raat mil kar rahein , phir agar woh teen din se zyada is muta ko rakhna chahein ya khatam karna chahein to unhein is ki ijazat hai (Salamah bin al-Akwa kehte hain ke) mujhe maloom nahi yeh hukm sirf hamare (sahabah) hi ke liye tha ya tamam logon ke liye hai Abu Abdullah (Imam Bukhari rahmahullah) kehte hain ke khud Ali razi Allahu anhu ne Nabi Karim salla Allahu alaihi wasallam se aaisi riwayat ki jis se maloom hota hai ke muta ki hulat mansookh hai .