Hum se Abdullah bin Yusuf Taneesi ne byaan kiya , unhon ne kaha hum ko Imam Malik rahmahullah ne khabar di , unhein Nafi ne aur unhein Abdullah bin Umar razi Allahu anhuma ne ke Rasool Allah salla Allahu alaihi wasallam ne shighar se mana farmaya hai . Shighar yeh hai ke koi shakhs apni larki ya behen ka nikah is shart ke saath kare ke woh doosra shakhs apni (beti ya behen) us ko biyah de aur kuch mahr na thehre .