Hum se Hajjaj bin Minhal ne byaan kiya, kaha hum se Shubah bin Hajjaj ne byaan kiya, kaha ke mujhe Alqamah bin Marsad ne khabar di, unhon ne Saad bin Ubaydah se suna, unhon ne Abu Abdur Rahman Salmi se aur unhon ne Usman bin Affan razi Allahu anhu se, unhon ne byaan kiya ke Rasool Allah salla Allahu alaihi wasallam ne farmaya ke tum mein sab se behtar woh hai jo Quran Majeed parhe aur parhaye. Saad bin Ubaydah ne byaan kiya ke Abu Abdur Rahman Salmi ne logon ko Usman razi Allahu anhu ke zamana e khilafat se Hajjaj bin Yusuf ke Iraq ke governor hone tak Quran Majeed ki taleem di. Woh kaha karte thay ke yahi hadees hai jis ne mujhe is jagah (Quran Majeed parhane ke liye) bitha rakkha hai.