‏‏‏‏ «eishatun raadiyatun mardiyyatun» , «mardiyyatun» ke maani mein hai yani pasandida aish. «al-qaadiyatu» pehli maut yani kaash pehli maut jo aayi thi is ke baad main mara hi rehta phir zinda na hota. «min ahadin anhu haajizeena ahadun» ka itlaq mufrad aur jama donon par aata hai. Ibn Abbas razi Allahu anhuma ne kaha «wateenun» se murad jaan ki ragg jis ke katne se aadmi mar jata hai. Ibn Abbas razi Allahu anhuma ne kaha «taghal ma'u» yani pani bahut charh gaya. «bit-taaghiyati» apni shararat ki wajah se baazon ne kaha «taaghiya» se aandhi murad hai is ne itna zor kiya ke farishton ke ikhtiyar se bahar ho gayi jaise pani ne Nuh alaihissalam ki qaum par zor kiya tha.

‏‏‏‏ «faseelatun» nazdeek ka dada jis ki taraf aadmi ko nisbat di jati hai. «shawa» donon hath paon, badan ke kinare, sar ki khaal is ko «shawaatun» kehte hain aur jis uzv ke kaatne se aadmi marta nahi hai woh «shawa» hai. «izeena» giroh giroh ka mufrad «izah-tun» hai.

‏‏‏‏ «atwaaran» kabhi kuch kabhi kuch maslan mani phir gosht ka lothra Arab log kehte hain «adaa tawrahu» apne andaze se barh gaya. «kubbaaran» (ba-tashdeed baa) mein «kubaaran» se zyada mubalgha hai yani bahut hi bara, jaise jameel khubsoort, jamal bahut hi khubsoort gharz «kubbaaran» ka maani bara kabhi is ko «kubaaran» takhfeef baa se bhi parha hai. Arab log kehte hain «hassaanun» aur «jammaalun» (tashdeed se) aur «hisaanun» aur «jumaalun» (takhfeef se). «di-yaaran» , «dauran» se nikla hai. Is ka wazan «fii-aalun» hai (asal mein diwaar tha) jaise Umar razi Allahu anhu ne «al-hayyul qayyoomu» ko «al-hayyul qiyyaamu» parha hai. Yeh Qiyamat «qumtu» se nikla hai (to asal mein «qiy-waamun» tha). Auron ne kaha «di-yaaran» ke maani kisi ko «tabaaran» halakat. Ibn Abbas razi Allahu anhuma ne kaha «midraaran» ek ke peeche doosra yani lagatar barish. «waqaaran» azmat barayi murad hai.

Hum se Ibrahim bin Musa ne byaan kiya, unhon ne kaha hum ko Hisham ne khabar di, un se Ibn Jurayj ne aur Ata ne byaan kiya aur un se Abdullah bin Abbas razi Allahu anhuma ne byaan kiya ke jo but Nuh alaihissalam ki qaum mein pooje jate thay baad mein wahi Arab mein pooje jaane lage. Wadd Doomat-ul-Jandal mein Bani Kalb ka but thu. Suwaa'u Bani Huzayl ka. Yaghoos Bani Murad ka aur Murad ki shakh Bani Ghutayf ka jo Wadi e Ajwaf mein qaum e Saba ke paas rehte thay Ya'ooq Bani Hamdan ka but thu. Nasr Himyar ka but tha jo Zhul Kala ki aal mein se thay. Yeh paanchon Nuh alaihissalam ki qaum ke naik logon ke naam thay jab un ki maut ho gayi to Shaytan ne un ke dilli mein dala ke apni majlison mein jahan woh baithe thay un ke but qaim kar lein aur in buton ke naam apne naik logon ke naam par rakh lein chunanche in logon ne aisa hi kiya is waqt in buton ki pooja nahi hoti thi lekin jab woh log bhi mar gaye jinon ne but qaim kiye thay aur ilm logon mein na raha to un ki pooja hone lagi.