‏‏‏‏ «at-tafaawutu» ka maani ikhtilaf, farq «tafaawutun» aur «tafautun» donon ka ek maani hai. «tamayyazhu» tukre tukre ho jaye. «manaakibiha» is ke kinaron mein. «tad-da-oona» (daal ki tashdeed) aur «tad-oona» (daal ke jazm ke saath) donon ka ek hi maani hai jaise «tazh-zhakkaroona» aur «tazh-karoona» (zhal ke jazm ke saath) ka ek hi maani hai. «yaqbidhna» apne pankh maarte hain (ya samait lete hain). Mujahid ne kaha «saaffaatun» ke maani apne bazu kholay huay. «nufoorun» se kufr aur shararat murad hai.

‏‏‏‏ Abdullah bin Abbas razi Allahu anhuma ne kaha «yatakhaafatoona» chupke chupke, kaana phuusi karte huay. Qatadah ne kaha «hardin» ke maani dil se koshish karna ya bakheeli ya ghussa. Ibn Abbas razi Allahu anhuma ne kaha «la-daalloona» ka matlab yeh hai ke hum apne bagh ki jagah bhool gaye, bhatak gaye aur aage barh gaye. Auron ne kaha «sareemun» ke maani subah jo raat se kat kar alag ho jati hai ya raat jo din se kat kar alag ho jati hai. «sareemun» is reti ko bhi kehte hain jo rait ke bare bare teelon se kat kar alag ho jaye. «sareemun» , «masroomun» ke maani mein hai jaise «qateelun» , «maqtoolun» ke ma'non mein hai.

Hum se Mahmood ne byaan kiya, kaha hum se Ubaydullah ne byaan kiya, un se Israeel ne, un se Abu Haseen ne, un se Mujahid ne aur un se Ibn Abbas razi Allahu anhuma ne aayat «utullin ba'ada zhaalika zaneemin» yani ”woh zhaalim sakht mizaj hai is ke alawa harami bhi hai.“ Ke mutalliq farmaya ke yeh aayat Quraysh ke ek shakhs ke baare mein hui thi is ki gardan mein nishani thi jaise bakri mein nishani hoti hai ke baaz un mein ka koi uzv barha hua hota hai.