‏‏‏‏ Arab log kehte hain «saghautu» ay «saghatu» yani main jhuk para ( «latasgha») jo Surah al-Anaam mein hai jis ka maani jhuk jayein. «wa in tazhaahara alayhi fa-innallaha huwa maulaahu wa jibreelu wa saalihul mu'mineena wal mala'ikatu ba'ada zhaalika zhahcerun» yani ”agar Nabi (salla Allahu alaihi wasallam) ke muqabla mein tum roz naya hamla karti rahein to is ka madadgar to Allah hai aur Jibraeel hain aur naik Musalman hain aur in ke alawa farishte bhi madadgar hain.“ «zhahcerun» ka maani madadgar. «tazhaaharoona» ek ki ek madad karte ho. Mujahid ne kaha aayat «qoo anfusakum wa ahleekum» ka matlab yeh hai ke tum apne aap ko aur apne ghar walon ko Allah ka darr ikhtiyar karne ki nasihat karo aur unhein adab sikhao.“

Hum se Abdullah bin Zubayr Humaydi ne byaan kiya, kaha hum se Sufyan bin Uyaynah ne byaan kiya, kaha hum se Yahya bin Ansari ne byaan kiya, kaha ke main ne Ubayd bin Hunayn se suna, woh byaan karte thay ke main ne Ibn Abbas razi Allahu anhuma se suna, unhon ne byaan kiya ke main ne Umar razi Allahu anhu se in auraton ke mutalliq sawal karna chaha jinon ne Rasool Allah salla Allahu alaihi wasallam ke oopar zor kiya tha. Ek saal isi fikr mein raha aur mujhe koi mauqa nahi milta tha aakhir un ke saath Hajj ke liye nikla (wapsi mein) jab hum Maqam e Zhahran mein thay to Umar razi Allahu anhu rafa haajat ke liye gaye. Phir kaha ke mere liye wuzu ka pani lao, main ek bartan mein pani laya aur un ko wuzu karane laga is waqt mujh ko mauqa mila. Main ne arz kiya Ameer al-Momineen! Woh auratein kaun thien jinon ne Nabi Karim salla Allahu alaihi wasallam ke muqabil aisa kiya thu? Abhi main ne apni baat poori na ki thu unhon ne kaha ke woh Aisha aur Hafsa razi Allahu anhuma thien.