Hum se Ismail bin Abdullah ne byaan kiya, unhon ne kaha ke mujh se Ismail bin Ibrahim bin Uqbah ne byaan kiya, un se Musa bin Uqbah ne byaan kiya ke mujh se Abdullah bin Fadl ne byaan kiya aur unhon ne Anas bin Malik razi Allahu anhu se un ka byaan naqal kiya ke Maqam e Harra mein jo log shaheed kar diye gaye thay un par mujhe bara ranj hua. Zayd bin Arqam razi Allahu anhuma ko mere gham ki ittila pahunchi to unhon ne mujhe likha ke unhon ne Rasool Allah salla Allahu alaihi wasallam se suna hai, Aap salla Allahu alaihi wasallam farma rahe thay ke Ae Allah! Ansar ki maghfirat farma aur un ke beton ki bhi maghfirat farma. Abdullah bin Fadl ko is mein shak tha ke Aap ne Ansar ke beton ke beton ka bhi zikr kiya tha ya nahi. Anas razi Allahu anhu se un ki majlis ke hazireen mein se kisi ne sawal kiya to unhon ne kaha ke Zayd bin Arqam razi Allahu anhuma hi woh hain jin ke sunne ki Allah Ta'ala ne tasdeeq ki thi.